我一路走來的手機之路

實在是太耐都冇打過blog啦,上一次該是暑假前的事。我沒有打blog是把所有時間都用於寫我人生的第一部也很可能是最後一部的小說。但很可惜的是原來寫小說不是諗好晒主線,伏線,人物,大綱就可以用文字在骨架上長肉。太多的劇情要前後呼應及合理。經常修改是不可少的。因此我根本不可以在目標的日子前完成,直到現在。不過我會努力寫好佢,有機會係呢個blog到post下。

好,言歸正傳。近來就手機煩了好一陣子。原因是用開的iphone3g up左去i os4後勁lag。開個sms都成十幾秒,點頂?!就急住要買部黎用。買左又覺唔岩自己,快快趣又換一部。

其實自從小學6年班我有了第一部手機到現在,大大話話都用過唔少電話,所以就忽發奇想,想要把用過的電話都整理一下,做個紀念。

第一部,是小學6年班升中的暑假。用的是nokia 6610, 勁野,一用就彩色mon啦。比當時還是幾hit的3310,8250(當時買機,真的nokia真是不二選。)正好多。

不過,用左一段時間,我呀哥又好中意,細細個果時都覺我唔應該用太好架電話,所以就同佢換左部lg黑白mon摺機。不過當時只是打出打入的竹手戈,我覺得真的沒所為,仲有一樣幾令我喜出望外的是,有語音打電話。

好啦,一用就用到中3差不多中4。一次行山,唔見左自己都唔知。不過,我唔心痛,一來,都唔係我想買,就算用左咁多年都冇感情。就好似,個仔唔係你架,點都係差d。不過,都有少少唔舎得,話晒用左咁多年,可以係話我用得最耐的一部手機。不過唔見左果下,我竟然有一點高興,因為可以換新的了。
第三部就是我最最最中意的一部。sharp的gx32,當時真的機皇中的皇者。全港第一部百萬像數的手機,個mon係CG silicon。雖不知是甚麼,但只知道個mon係靚到我從來沒有想過的。開機那一刹的感覺我到現在還十分清晰,又驚又喜。ccd的相機更有遠景微距調教。真的形到冇朋友。仲有外mon,可以用sd卡,係sd卡,唔係咩micro,mini。到現在我都仲想買番一部黎留念,不過應該都幾難。比左我姐夫之後,佢都唔睇住用,用到又花又爛。心痛死我。我都唔敢問佢部機下落,我怕見到仲心痛。不過,佢就陪左我成個中4差不多中5

故事續住去,我就換左又一機皇,(係,用慣左機皇,用差少少架手機,真係唔習。)係sharp架sx833。紅得黎係男仔用都好好睇架紅。可以拎轉的mon變做一部真正的相機,堅係正冇文字形容到。三百萬成像ccd的相片,同我當時的canon power shot 30 有得fight,可能更好。火紅色的他就係咁陪左我年幾,因為媽媽好好好中意,我之後又想轉下機玩下,就比左佢買過部,當時是中六。事後我真的後悔,因為我換了一部,sony erison的冷門機。

那就是se m600i。睇中佢有touch mon同qwerty keyborad, 不過都係偽qwerty,看圖就知真相。這是我第一部的所謂smartphone,smartphone者,我眼中就是可以裝第三方軟件的電話。m600i行的os是sybian9.x ,又穩又有bug,我好後悔。他令我知道,死都唔好買水貨,唔好急買手機。不過他令我開始了解smartphone的os同相關資訊。果時好中意o2的電話,不過做左功課後,又比人教錯野,買左dell的x51v。好冇用?算啦,佢教左我windows moblie=垃圾 同比我知道咩係wifi咁大把。 (唔知windows mobile 7 會點呢宜加。不過聽個名我都唔咁用。)

同一時間,親友係果其出好hit架3g plan ,有一部lg的u8180經典3台機比我。

不過我都不太中意。一些日子後,賣的賣,比的比。我就要換機啦。真多謝媽媽,她真的寵我寵得太勁係呢一方面。我買左nokia的6110 neivigator,正,好正。cpu好快,respond好好。仲有3.5g shdpa的傳遞數據。機如其名,netvigator就當然又有gps。gps對當時的我是一個很吸引的功能。因為一向不喜歡問路的我,有佢就真係啱晒。仲有agps,唔係要好準確的話,一下就定到位。不果要等physically定到位就耐d。不過就得2.0mega pix。但又由此可見我及手機的大氣候己由影相轉到其他的地方。好似上網同gps,push mail等。咁好用,一用就用到上大學,實而不華,諗番呢部機,我仲有好多回憶。呀哥話冇機用,比左佢,佢比錢我買過部。

我就買左nokia e71,好機一部,又係中意qwerty keyboard。反應好,有番af的相機,方便好多。當時冇買iphone因為我明知iphone好快會出新version。但係我一次gethering後坐的土唔見左部e71,用左唔到一個月。有計,急住買機,又冇咩選擇下,出左iphone 3g。因此我也對e71呢部咁好的電話冇咩記憶。

iphone,改變所有的電話,根本就係sell software, 結合itune, app store根合係屈機。不過唔係咁開心的是買了唔夠一個月就出左3gs,冇計,不過我依然用的好開心。第一次用手機用到咁爽,雖然我之前有ipod touch,不過都唔會好似ipohne咁成日拎出黎玩下咁跟身。其實之前買e71而不是iphone也因為我己有ipod touch。第一次jailbreak真係驚架!! 不過玩夠之後,我就restore冇jail break,因為我真係好少用佢黎打機。

本身真係冇諗過轉機,不過誤上ios4 lag死我後,就急買nokia n900。買入了ipad的我對iphone又少左之前的新鮮感。唔太想有功能上的overlap,所以iphone4我不作考慮。又係有qwerty,不過真係大左少少,同行linux加上絶代meamo。好難用,我又唔想花太多時間去研究。因此,下定決心,轉鬼左佢。就係咁樣,我對n900只有好勁硬件但好差的software的感覺。大佬,冇飛線架點搞呀。又要左整右整先得,如果肯花心思去玩的n900會係好手機一部。如不是,請等meego出吧。

最近,換左blackberry bold 9700。bb係我眼中是qwerty手機的始祖,起碼我記憶中有qwerty的手機最有代表性就是他,正如pda是palm一樣。近呢幾日認識左咩係bis,bes,好多用bb要了解的data plan要明白的事。還沒有甚麼好分享,不過我選了白色。因為印象中沒有一部黑色的電話我是用得長久的。我很有預感這一部會用兩年或以上。

最後,我好似係到講自己的成魔之路,我對手機要求有時都幾高。但係咁講,日對夜對,唔岩心水點得呀,時節省少少啦唯有。

一個回應

  1. Gostaria de perdir para os que fazem parte deste jornal um estudo junto aos orgaos competentes (PRF) um semaforo na Br 101 no trecho que faz o retorno Click http://pepij.nl/succeaa100645

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: